رواية لازم اتوب "الاخيرة"

الفصل العاشر

*********

ساره ( بصدمه ) مش معقول .. أنتي بتتكلمي بجد !!

لين ( بأبتسامه ) : آه والله

ساره : لالالالالالا .. قولي تاني بصوت عالي يمكن اكون سمعت غلط

لين : أنـــــــــــــــــا قبــــــــــــــــــــــــــــلت العريس الملتزم اللي كان متقدملي من فتره

ساره : وعملتيها إزاي دي يابنت اللذينه ؟؟؟

لين : عملتها ببوقي

ساره : ها ها ها .. بايخه .. بتكلم بجد

لين : أبدا .. أنا أستخرت ربنا وقتها علي أساس تقضية واجب بصراحه .. و من يومين حلمت بالموضوع ده .. فأستخرت ربنا تاني .. وأنهارده و احنا في المحل أتصل ببابا وبابا سالني و انا لقيت نفسي بقوله و قال ايه مكسوفه " اللي تشوفه يابابا ^^ "

ساره : ألف ألف ألف مبروووووووووووووك ياحبيبتي .. طب وهيجوا أمتي بقي ؟؟؟

لين : مستعجله علي أيه بس .. ده أحنا لسه موافقين أنهارده .. المهم .. سيبك من الموضوع ده

ساره : لما أسيب ده أمسك أيه دلوقتي

لين : أمسكي رجل الكنبه ياخفيفه .. أسمعي

ساره : ها

لين : أنا هاجي معاكي من بكره المسجد .. خليني أحضر دروس شويه بقي .. و أكفر عن ذنوبي

ساره : خلاص ياقلبي .. بكره الميعاد الظهر

لين : خلاص نروح سوا بإذن الله

ساره : بإذن الله

***************

تاني يوم في المسجد

***************

نهي : وأوعوا تأجلوا الطاعه يابنات .. الطاعه حلوه .. الطاعه إحساسها حلو أوي .. وياسلام يابنات لو عملتو ذنب .. و في ساعتها أفتكرتو جزاءه و تبتوا علي طول .. سعادتكم هتبقي لا توصف ساعتها خليكوا دايما متصلين بربنا ....................................................................... أحنا كدا خلاص خلصنا يومنا يابنات .. أشوفكم الأسبوع الجاي علي خير إن شاء الله .. سبحانك اللهم و بحمدك .. نشهد ان لا إله إلا أنت نستغفرك و نتوب إليك

لين ( وهي خارجه من المسجد مع ساره ) : ياسلام ياساره علي نهي .. كلامها تحفه .. رغم إن سنها صغير و في سننا مش كبيره يعني .. بجد خلتني طايره من الفرحه و أنا بسمعها

ساره : آه والله .. وأنا كمان كنت فرحانه و انا بسمعها

لين ( تبتسم ) : ثواني و جايه

ساره : رايحه فين

لين : هعمل حاجه و هاجي

ساره : أوك .. خلي بالك و أنتي بتعدي السكه

لين ( تعدي السكه و هي بتقول ) حاضر

ساره ( بخوف ) : لين .. لين خلي باااااااااااالك

أيـــــــــــــــــــــــــــــئ ( صوت فرملة السياره )

ساره : ليــــــــــــــــــــــــــــــــــــــــــــــــــــــن

(( بعد فتره طويله داخل غرفة العمليات .. فاقت لين ))

لين: ( تبتسم بضعف و تقول ) يااااااااااااااه .. دي الطاعه حلوه اوي .. و التوبه احلي و أحلي .. و بالحلال الدنيا بتحلي .. يارب بحبك أوووي .. يارب أرزقني لذة النظر لوجهك الكريم .. ياااارب أشهد انك الله و ان محمد عبدك ورسولك

تيـــــــــــــــــــــــــــــــــــــــــــــــــــــت ( صوت توقف جهاز القلب )

ساره: لالالالالالالالالالا .. متموتيش

شيماء : لا .. اوعي تسيبينا .. متموتيش

محمد : إنا لله و إنا إله راجعون

الدكتور : لاحول ولا قوة إلا بالله

محمد: اللهم أجرني في مصيبتي و أخلفلي خير منها

***********************************************

***********************************************

***********************************************

تحلو الحياه .. عندما تكون الطاعه هي طريقنا .. و الحلا هو رزقنا .. و العمل في سبيل الله هو نهج حياتنا .. و الموت علي طاعة الله و في سبيله نهايتنا .. و الجنة مستقرنا

تحلو الحياه .. عندما نرسم لأنفسنا خطوات لطاعة الله .. و نسير عليها

تحلو .. عندما نستشعر حب الله لنا ورضاه علينا

النهــــــــــــــــــــــــــــــــــايه

نحبكم في الله

أختكم

Farsat Alaksa

Read more

رواية لازم اتوب 9

الفصل التاسع

**********

شيماء : يارب تكون هي .. يارب ( وتفتح الباب و ................

صــــــــــــــــــــــــــــــــــــــــــدمــــــــــــــــــــــــــــــــــــه

لين ( تدخل و تستعرض نفسها ) : هالو .. شو رأيكم ؟؟؟

لين ( ساكته من الصدمه )

ساره : واااااااااااااااااااااااااااااااااو .. انتي أتأخرتي علشان كدا

لين : أيون .. شو شيماء خانو .. ألن تعلقي

شيماء ( تحضن لين و تبكي ) : ألف ألف مبروك يابنتي .. مش هقدر أوصفلك شعوري و إحساسي .. ربنا يسعد قلبك يابنتي زي ما أستعدتي قلبي

لين ( تضحك ) : يارب .. فين بقي حلاوة الخبر الحلو ده ؟؟

شيماء : امال فين محمد

ساره ولين : هههههههههههه

ساره : بتهربي من الحلاوه ياطنط ؟؟

شيماء : لاوالله بس توقعت إنه معاها بس مطلعش

لين : متقلقيش ياليلي .. قيس بيركن العربيه وطالع

شيماء : ههههههههههههههههه

ساره : فاهمه بباكي و مامتك يالين .. أحم أحم .. أقصد قيس وليلي

لين : يابنتي دول عليهم حركات .. وقيس لما كنا برا قعد يزن عليا و يقولي حرام أتأخرنا و نطمن مامتك و كلام من ده .. حركااااااااااااااااااااااااااااااااااااات يا والدي العزيزين

ساره : جااااامد عمو محمد جااااااااامد ( ويرن جرس الباب )

لين ( تفتح الباب ) : تعالي يادادي .. ساره كانت لسه بتشكر فيك و بتقول عليك جامد وحركات

محمد :هههههههههههههه طول عمري يانتي .. هاه عندك عروسه ؟؟

شيماء : مـــــــــــــــــــــحــــــــــــــــــمــــــــــــــــــــد

محمد : أيه ده .. أنتي هنا ؟ مش تقولي يالين *_*

لين : هههاااااااااااااي .. خلاص حركاتك بقت مكشوفه للسيده الوالده

محمد : خدي يالين دي هديتك

لين : وااااااااااااااااااو .. ربنا يخليك ليا يادادي .. أحلي طرحه جاتلي في حياتي

شيماء : ماشي يامحمد .. كدا تتعاون مع بنتك و تقلقني

محمد : معلش .. بس لما جاتلي الشغل و قالتلي إنها قررت تلبس الحجاب الشرعي و عبايات و كدا بقي .. فرحتي نستني كل حاجه

شيماء : آه والله .. دي فرحتي بشوفتا بالعبايه و الطرحه نستني قلقي عليكم .. الحمد لله

ساره : إلا قوليلي يا لي لي .. أيه التغيير ده ؟؟ مكنتيش قادره تستني لبكره وتاخديني معاكي زي كل مره .. ولا منفعش أنا المره دي ؟؟

لين : لا ياباشا تنفعي .. بس الواحد كان قاعد قعده حلوه كدا مع نفسه كدا و قرر القرار ده ومحبش يأجله ولا ياخره علشان متراجعش ... ده غير إني حبيت أعملهالك مفاجاه وأخدت سيادة البشمهندس الدكتور الأستاذ المحامي بابا باشا ^^ علشان يدفع مش أكتر

الجميع : هههههههههههه

************

عند صفاء وحسناء

************

صفاء : عارفه ياحسناء حصل ايه أنهارده

حسناء : يابت أتهدي بقي هموت و أنام .. أنا ايه اللي خلاني أخلي خالي يسيبك تباتي هنا .. أتخمدي بقي

صفاء .. أنتي بالعه راديو .. أكتمي بوقك و أسمعي

حسناء .. خير .. نعم .. غردي .. أشجيني

صفاء : أوووووووووووووف .. مش قايله حاجه

حسناء : خلاص خلاص قولي

صفاء : لين كلمتني انهارده

حسناء : بـــــــــــــــــــــجد ؟؟ ليه ؟!!

صفاء : أبدا .. لكمتني وقالتلي لو عايزه تكملي مع جاسم كملي عادي لأنها قررت تتوب .. بس الأحسن إني أبعد و أتوب انا كمان لأنه حرام ولأن الشباب ملهومش أمان و كلام من النوع ده يعني

حسناء : ياسلااااااااااااااام .. دلوقتي بقي حرام و بقي ملهومش أمان

صفاء : ما أنا سالتها السؤال ده .. وقالتلي آه دلوقتي .. لاننا لما بنعمل الذنب مبنحسش بوحاشته و أضراره غير لما بنبعد

حسناء : وأنتي ايه رايك ؟؟

صفاء : مش عارفه

حسناء : أنا من الأول قلتلك إن الشباب تلعبي عليهم ماشي .. تتسلي ماشي .. يبقوا أصحابك وزمايلك ماشي .. لكن تحبيهم لأه

صفاء : يعني أنتي رايك كدا ؟؟

حسناء : آه طبعا

صفاء : ماشي .. يلا نامي بقي

حسناء .. اووووووووووك

( وده الفرق بين الصديق الصالح اللي زي ساره اللي كانت بتنصح لين دايما بإنها تبعد عن الحجات دي و بين صديق السوء اللي بينصح باللعب و الزمال .. مداخله بسيطه من الأدمن )

**************

عند لين في غرفتها

**************

لين : متتخيليش ياساره انا حاسه بايه ؟؟

ساره : الحمد لله ياقلبي .. ربنا يزيدك سعاده و طاعه و ثبات ياااااااااارب

ساره : عارفه أنا عملت ايه ؟؟

ساره : أيه ؟؟

لين ( قربت من ودنها و قالتلها )

ساره ( بصدمه ) مش معقول .. أنتي بتتكلمي بجد !!

ياتري ايه اللي لين عملته .. وياتري ايه اللي هيحصل في حياة ابطال قصتنا ؟؟؟

استنونا في الفصل العاشر من روايتنا

" لاوم أتوب "

بقلمي .. اختكم

Farsat Alaksa

Read more

رواية لازم اتوب 8

الفصل الثامن

*********

لين ك طب الحمد لله .. أهم حاجه إن فيه صفات كتير كان نفسك فيها و تناسبك .. ده غير إن ال...... ( وتبص مره واحده علي الباب و تصرخ ) آآآآآآآآآآآآآآآآآآآآآآآآآآآآآآآآآه

ساره ( بصراخ و خوف ) : أيــــــــــــــــــــه

لين : صرصار .. صرصار

ساره : آآآآآآآآآآآآآآآآآآآآآآآه .. ألحقوني ( وتنط ) ألحقوني .. ياماما .. يابابا .. انا عايزه أروح بيتنا .. يا مااااااااااااااااااااماااااااااااااااااااا

لين : هههههههه .. علشان تحرمي متقوليليش لحد دلوقتي .. ياجباااااااااااااانه

ساره ( بخوف ) :يعني مفيش صرصار

لين : لأه مفيش ياجبانه

ساره : يلا ياكذابه .. والله لأوريكي ( وتجري وراها )

*************

عند جاسم وخالد

*************

جاسم : شوفت اللي حصل

خالد : أيه ياخويا اللي حصل

جاسم : لين و صفاء بقالهم يومين قافلين موبايلاتهم .. وشوفت صفاء أنهارده في المحاضره وقالتلي إنها قابلت لين و عرفوا إني بكذب عليهم وهما الأتنين مش طايقينني

خالد : طيب الحمد لله .. كفاره ياعمونا

جاسم : كفارة مين ياخويا .. ده أنا لس شايف حتة موزه انهارده .. وأخدت رقمها .. بس بقي دي نوع تاني غير الأتنين اللي فاتوا دول .. دي بقي لابسه هدوم ولا كأنها موجوده .. سايبه نفسها سبيل .. وأنا بموووووووووووت في النوع ده

خالد : يادي النيله عليك و علي اللي يعرفك وعلي حكاياتك الزباله اللي شبه وشك .. أنت ياض .. فكك مني و أبعد عني

جاسم : هههههههههههههه .. ماشي يابرنس

****************

بعد يومين في غرفة لين

****************

لين ( بتكلم نفسها ) : أنا ايه اللي مانعني صح ؟ ما كل حاجه متوفرالي .. وباب التوبه بيناديلي .. اكسل ليه .. هو أنا لازم أحرم نفسي من الجنه وأفضل طول عمري وحشه ( وترفع أيديها للسما و تبكي ) يارب .. أنا غلطانه .. ووحشه .. بس قررت أتوب .. قررت أبقي حلوه .. يارب أنا لازم أتوب .. يارب قويني .. يارب قويني علي التوبه و خليني أقدر اغلب ذنوبي .. ( وتيجي علي بالها فكره جنان فتضحك و تقوم تلبس بسرعه و تطلع لمامتها )

لين : ماما ماما ماما

شيماء : نعم نعم نعم .. ايه ده ؟؟ لابسه ورايحه فين ؟؟

لين ( تضحك ) : عندي مشوار مهم جدا جدا جدا

شيماء : اللي هو فين ؟

لين : والله هقولك .. بس لما أرجع .. ماشي ؟؟

شيماء : ماشي .. خلي بالك من نفسك .. و متتاخريش

لين : حااااضر

********

في الشارع

********

لين : ألو

محمد : أيوه يا لين

لين : أيوة ياحبيب قلب لين .. أين أنت يا أبتاه

محمد : إنني عند أبي جهل في العمل .. أيه يابنتي مسلسل الكفار اللي فتحته ده ^^

لين : أصل أنا مبسوطه

محمد : ربنا يبسطك كمان و كمان .. بس ايه السبب ؟

لين : السبب هتعرفه دلوقتي لاني جيالك حالا .. ولكن إلي أن آتي يا أبا الحكم .. عليك بسرقة خزينة أموال رب العمل أبا جهل .. تقل جيبك ياحج الفرحه مش ببلاش

محمد : هههههههههههههه الحمد لله الفرحه لسعت مخ البنت

لين : أحم أحم .. أيه ياحج .. حساك بتغلط فيا .. المهم .. أقفل بقي .. هو الرصيد ده ببلاش .. ما انت اللي بتشحن .. يلا 7 دقايق و 5 ثواني و فسوتين وهكون عندك .. يعني حوالي كدا ساعه إلا ربع

محمد : هههههههههههههه مستنيكي

لين : ما أنت هتستناني .. أمال هتستني مين .. مراتك التانيه ؟؟؟

محمد : ههههههههههههه .. طب أقفلي بدل ما أقفل السكه في وشك ^^

لين : طيب .. بس خلي بالك علي وداني .. ههههههههه

محمد : سلااام

********************

في بيت لين الساعه 10 مساء

********************

شيماء ( بقلق ) : طيب ياساره .. هي كلمتك أمتي و قالتلك ايه ؟

ساره : هي كلمتني العصر .. وقالتلي المغرب تكوني عندنا في البيت عيزاكي في موضوع ضروري

شيماء : ياااارب أستر .. يارب أستر .. دي من بعد الظهر نازله وتليفونها مقفول و أبوها مش بيرد

ساره : ياطنط اهدي بالله عليكي .. الغايب عذره معاه

( وبعد أكتر من ربع ساعه .. يرن جرس الباب )

شيماء : يارب تكون هي .. يارب ( وتفتح الباب و ................

صــــــــــــــــــــــــــــــــــــــــــدمــــــــــــــــــــــــــــــــــــه

ياتري ايه سبب صدمة والدت لين .؟؟؟

وياتري لين فين ؟؟ وايه اللي حصلها ؟؟؟

أستنونا في الفصل التاسع من رواية

" لازم أتوب "

بقلمي .. أختكم

Farsat Alaksa

Read more

رواية لازم اتوب 7

الفصل السابع

********

شيماء : هههههههههه .. أنتي مشكله .. طيب يلا عل .......... ( ويقطع كلامها صوت جرس الباب )

ساره : خليكي ياطنط أنا هفتح .. ( وتفتح الباب ) أيوه

الرجل : النور يا أبله

ساره ( تنظر له بصدمه ) : : آ آآ .. كام ؟؟

الرجل : 317

ساره : آه ماشي .. ثواني ( وتروح لشيماء ) طنط .. بتاع النور 317

شيماء : طيب ثواني هجيبلك الفلوس ( تروح تجيب الفلوس وترجع )

ساره : أتفضل

الرجل : الباقي يا أستاذه

ساره : لا خلاص شكرا

الرجل : عفوا ( ويمشي )

شيماء : مالك ياساره .. وشك قالب و واقفه سرحانه و سايبه الباب مفتوح ليه كل ده .. و لسه ممشاش ؟

ساره : هاه .. لالالا مشي

شيماء : طب مالك

ساره : لالالالالالالالالالالالالا مفيش حاج .. مستغربه بس إن النور مبقاش بيجي أقل من 300 وهو 24 ساعه قاطع ( مع إنه مقطعش عندي ولا مره .. مداخله صغيره من الأدمن ^^ )

شيماء : هنعمل ايه يابنتي .. فوضنا أمرنا لله .. يلا بقي علشان الأكل ميبردش

******************

بعد يومين في غرفة لين

******************

لين : مين بيخبط ؟؟

ساره : أنا ساره .. أفتحي بسرررررررررررررررررعه

لين ( تفتح الباب ) أزيك ياساره عامله ايه ؟؟؟

ساره : عامله بتنجان .. وشويه و هعملها مسقعه يا .. يا نقط

لين : هه .. ليه بس .. وياتري ايه اللي تحت النقط ؟

ساره : تتصوري إنك معندكيش دم .. بقالك يومين قافله علي نفسك الأوضه .. وتليفونك مقفول و مش راضيه تردي عليا علي تليفون البيت .. و قلقتي أهلك عليكي من تغيرك المفاجأ ده و لولا إني قلتلهم إن عندنا أمتحانات فأنتي متوتره كان الوضع هيبقي حاجه تانيه .. وربنا يسامحني ع الكذبه دي وكمان ولا معبره أختك الغلبانه و ولا بتسالي عليا وأنتي عارفه إني مقدرش أعيش منغيرك ( إيموشن بيبربش و يسبل :P)

لين : أتصدمت ياساره

ساره : مينفعش تتصدمي ياساره .. لأني قلتلك ميت مره إن الشباب بيلعب مش بيحب .. أنتي بتحبي لأنك بتفكري من منطلق العاطفه .. لكن هو بيفكر من منظلق تاااااااااااني خالص .. ده غير ياحبيبتي إنك لازم تحمدي ربنا أنتي متعرفيش الصدمه دي حمتك من ايه ( وتغير نبرة صوتها لتريقه ) ده غير إنك متعرفيش هو كاذب عليكي في ايه تاني ؟؟

لين : قصدك ايه ؟؟؟

ساره : أقولك ياحبيبتي .. من يومين لما كنت عندكم .. الباب خبط .. وسبحان الله من نصيبي إني أنا اللي أفتح الباب

لين : ها .. أنجزي

ساره : مستعجله علي نهاية القصه ليه ؟؟ دي حتي نهايتها حزينة

لين : ( تكشر )

ساره : المهم .. طلع بتاع النور .. عارفه طلع مين يا لين ؟؟

لين : ؟؟؟؟

ساره : طلع جاسم

لين : ايه ؟؟ أكيد بتهزري

ساره : و أهزر ليه ؟؟ مش هو بردو اللي قالك إن باباه متوفي و بيصرف علي إخواته .. ولا مش هو اللي قالك إن مفيش غيرك في حياته و هيجي يخطبك ؟؟

لين : مش قصدي .. بس ... طلع بتاع نور كمان

ساره : ثانيه واحده .. وفيها ايه لما يطلع بتاع نور .. الشغل مهما كان عمره ماكان عيب .. ولو كان عامل نظافه مكنش هيبقي عيب .. العيب إنه يكذب و يفهمك إن بباه كان صاحب شركه وهو أصبح صاحبها بعد وفاة بباه

لين ( تبكي ) : طب و الحل

ساره : غنك تبطلي أنانيه بقي .. ده أنتي عملتي حاجتين في منتهي الأنانيه

لين : أنا !! أنانيه ؟!! عملت ايه ؟؟

ساره : أولا .. باب التوبه مفتوح قدامك علي آآآخره و مستنيكي تقربي نحيته و هو هيزقك بفعل الهوا ^^ وأنتي بكل أنانيه مصممه تفضلي زي ما أنتي .. و تبكي علي اللبن المسكوب .. أنتي واحده أهلك ملتزمين .. وأنتي ميولك و تصرفاتك كلها خير .. بس ناقصك تكه .. خطوه .. خطوه واحده و هتبقي حد تاني خالص .. ليه حارمه نفسك منها

لين : ( الصمت الرهيب )

ساره : عايزه تعرفي ايه الحاجه التانيه

لين : قولي

ساره : ( بتتكلم بسرررعه و ورا بعض ) خطوبتي أتحددت ياهانم كمان شهر و أنتي قعدالي هنا تعيطي و شكلي هحضر الخطوبه بالبيجاما بسببك

لين ( بفرحه ) : لالالالالالالالالالالالا .. بجد

ساره : آه والله بجد .. بس أنا محتاره

لين : محتاره من ايه ؟؟

ساره : أحضر بالبيجاما اللي عليها ميكي ماوس ولا اللي عليها كيتي و لا البيجاما الساده .. أنا بقول دي خطوبه ع الضيق و عائليه فأحضر بالساده .. هههههههههههههه

لين : ههههههههههههههههه .. يلا يلا بسررررعه قوليلي .. مين ؟؟ وإزاي ؟؟ وكل حاجه

ساره : هأأأو .. طبعا مش هقول حاجه غير لما تقومي تغسلي وشك اللي يجيب الغم ده .. ده الله يكون في عونه اللي هيتجوزك لو زعلك و دموعك نزلت

لين : أمممممممممممم .. هسكتلك لأنك عروسه .. و هغسل وشي جررررررري و هاجي علشان أسمع سياتك .. أوعي تتحركي من مكانك ( تروح بسرعه وتيجي ) يلا .. أحكي .. أشجيني ياحلوه

ساره : دلكيلي رجلي الأول

لين : والله ماعندك ريحة الدم .. أحكي بسرعه أحسن ما أوديكي الخطوبه علي عكاز .. وأحكي بالتفاضيل لأنك لونسيتي حاجه هديكي بوكس يشوهلك وشك ده و الراجل يتخض و يطفش

ساره : يامامي .. بتقلبي ديراكولا ليه ؟؟ .. المهم ياستي ( وتقعد تحكيلها التفاصيل .. وبعد ماتخلص )

لين ك طب الحمد لله .. أهم حاجه إن فيه صفات كتير كان نفسك فيها و تناسبك .. ده غير إن ال...... ( وتبص مره واحده علي الباب و تصرخ ) آآآآآآآآآآآآآآآآآآآآآآآآآآآآآآآآآه

ياتري إيه اللي حصل وخلي لين تصرخ ؟؟؟

أستنونا في الفصل الثامن من روايتنا

" لازم أتوب "

بقلمي .. أختكم

Farsat Alaksa

Read more

رواية لازم اتوب 6

الفصل السادس

***********

وتتفاجئ باللي قدامها وتقطع كلامها و .......

ساره ( بقلق ) : لين ... في ايه .. مالك ؟

لين : ساره .. يلا نروح دلوقتي

ساره : طيب ايه اللي حصل .. طمنيني ؟؟

لين : هقولك بعدين .. بس أبوس أيدك يلا نمس\شي من هنا

*****

عند لين في البيت

****

لين و ساره : السلام عليكم

شيماء : وعليكم السلام .. أزيك ياساره عامله ايه ؟؟

ساره : الحمد لله ياطنط .. حضرتك عامله ايه ؟؟

شيماء : الحمد لله يابنتي .. ي\ايه يالين مالك ؟؟

ساره : ماحضرتك عارفه بنتك قد أيه دلوعه ياطنط .. حبة شمس تعبوها و خلوها تعيط

لين : لاياماما مش دلوعه .. الشمس صــــعبه بجد

شيماء : ههههههههههه ... ربنا يحفظكم .. روحوا ريحوا شويه

ساره : حاضر .. بس بصراحه .. أنا هموووت من الجوع .. ولوماكلتش هشتكيكم لحقوق الإنسان

شيماء : ههههههههه .. ربع ساعه و الأكل يجهز .. يلا روحوا أرتاحوا

********

في غرفة لين

**********

ساره : أيه اللي حصل .. أحكي يلا

لين : جاسم ياساره

ساره : أوف يالين .. مش هنخلص من الموضوع ده .. ماله جاسم

لين ( بحزن ) : ماهو خلاص خلصنا

ساره : مش فهماكي .. وضحي

لين : صفاء اللي كانت قاعده معايا .. طلعت حبيبة جاسم .. وطلع باباه عايش مش ميت .. ومعندهوش إخوات .. يعني كان بيضحك عليا كل الفتره اللي فاتت

ساره : وده اللي مزعلك أوي وقاهرك

لين : أنتي ليه مستهونه بالموضوع

ساره : لا أنا مش مستهونه .. بس أنتي مفروض تقولي الحمد لله علشان ربنا بينلك الحقيقه .. و المفروض تقومي تصلي ركعتين شكر إنه فوقك من اللي كنتي فيه

لين : ساره أنتي ليه مصحباني ؟؟؟

ساره : وهو ده سؤال .. أنتي صدمتك في جاسم هتخليكي تخوني و تشككي في أقرب الناس ليكي

لين : مش قصدي .. بس أنتي كوس\يسه و ملتزمه و أنا وحشه أويي .. فليه مصحباني ؟

ساره : لايالين .. أنتي مش وحشه .. أنتي كويسه .. بس نست\يتي الطريق وأنحرفتي عنه شويه .. ولو كنت سيبتك لوحدك كان ممكن تتوهي .. بس أنا فضلت جمبك .. علشان أنتي كويسه ربنا بعتلك اللي يقف جمبك ,. مع إن ربنا كان ممكن يسيبك .. والله أعلم نهايتها كانت هتبقي ايه

( الباب يخبط )

لين : خلاص ياساره دي ماما .. هعمل ايه مش عيزاها تشوفني كدا

ساره : نامي أنتي ياقلبي و أرتاحي و أنا هتصرف .. ولينا كلام تاني

لين : ماشي .. تصبحي ع خير

ساره : وأنتي بخير ( تفتح الباب ) يانحم

شيماء : يلا ياقلبي الأكل جاهز

ساره : تسلم أيدك يارب ( وتطلع وتقفل الباب )

شيماء : امال فين لين ؟؟؟

ساره : لبين !! بنتك دي ياطنط مش عارفه باعت الذوق في أنهي سوق ؟؟ نامت وسابتني وكأنها بتكرشني .. وأنا كرامتي نقحت عليا و هروح بيتنا

شيماء : أيه ؟؟ أنا مش عارفه ايه اللي جرالها .. معلش ياحبيبتي متزعليش

ساره : ههههههههه .. ياطنط أنا بهزر مش زعلانه .. بس هروح بيتنا

شيماء /\: لا ياساره ده أنا عملالك الأكل مخصوص .. لازم تاكلي

ساره : من نحية لازم تاكلي فانا هاكل متقلقيش .. كرامتي مش هتفيدني لو مت من الجوع

شيماء : هههههههههه .. أنتي مشكله .. طيب يلا عل .......... ( ويقطع كلامها ال .... )

ياتري ايه اللي قطع كلامهم

وياتري هيبقي ايه حال لين بعد اللي حصل

أستنونا في ل\الحلقه الجايه من روايتنا

لازم أتوب

بقلمي .. أختكم

Farsat Alaksa

Read more

رواية لازم اتوب 5

الفصل الخامس

***********

ساره : مين ؟؟

لين : حسناء .. ومعاها واحده تانيه غريبه

ساره : حسناء مين يابنتي ؟

لين : أوف أوف .. بعدين بعدين

حسناء : هااااااااااااااااااااااااااااااااااااااااااااي

لين ( من تحت درسها ) : هايات .. كيفك حسونه

ساره في سرهها : حسونه ؟؟ الله يكسفك يالين ده دلع تدلعيه لبنت

حسناء : كويسه و فل الفل .. وأنتي كيفك ؟؟

لين : أنا كويسه الحمد لله .. مش هتعرفينا ؟؟

حسناء : آه صح .. دي صفاء بنت خالتي و زميلتي في الدفعه .. و دي لين يا صفاء

صفاء : أهلا وسهلا

لين : أهلا بيكي ياقمر .. و دي صديقتي الصدوقه ساره

حسناء : أهلا .. تشرفنا

ساره : الشرف ليا .. بس معلش يابنات أن لازم أطلع للدكتور علشان في مشروع لازم يقيمه

البنات : اتفضلي ( ومشت ساره )

حسناء : وأنا كمان همشي علشان عندي بحث لازم أسلمه .. أستنيني مع لين ياصفاء بدل ماتقعدي لوحدك .. عندك مشكله يالين ؟؟

لين : نيفر ( never ) .. دي صافي تنورني

صفاء : مرسي

حسناء : يلا بقي .. سلاموز اللوز ( ومشت )

وبعد حوار طويل بين لين و صفاء يرن تليفون صفاء

صفاء : عن إذنك ياقمر هرد

لين : براحتك خالص .. لو تحبي ممكن أقوم ( شايفين الذوق .. ودي مداخله بسيطه من كاتبة الروايه ^^ )

صفاء : لالالالالالالالالالالا .. خالص .. خليكي قاعده أنا مش بيفرق معايا

ألو .. آه ياحبيبي لسه في الكليه .. طب ليه يعني ؟؟ أمممممممممممم ماشي :(((((

خلاص مره تانيه ... سلام

معلش يالين طولت عليكي

لين : ولا يهمك .. بس ليه قلبتي كدا ياقمر

صفاء ( بضيق ) : ابدا .. كنت متفقه مع خطيبي نتقابل بس مشي خلاص

لين : أيه ده .. أنتي مخطوبه .. طب مش لابسه دبله ليه

صفاء : آه معلش .. أقصد حبيبي و خطيبي مستقبليا ^^

لين : أحم .. وبتقوليها كدا عادي ؟؟ مش بتتكسفي

صفاء : و أتكسف لي .. مفيش حد ولا حاجه أتكسف منها

لين :لالالالالالالالالالالالا .. أنا بتكسف خالص

صفاء : أممممممممممم .. بتتكسفي خالص .. يعني بتحبي .. صح ؟؟

لين ( بكسوف ) : آه

( حاسين إن بقي في مجاهره بالمعصيه في الموضوع ؟؟ دي بردو مداخله بسيطه من الكاتبه )

صفاء : أيه الكسوف ده يابنتي .. مفيش حاجه مستاهله .. طب يلا بقي أحكي عن حبيبك

لين : لا احكي انتي الأول

صفاء : ماااااااااااااااشي .. بصي .. هو واحد معايا في الدفعه قعدت جمبه كذا مره بالصدفه .. و بعدين أتعرفنا علي بعض .. ومره علي مره حبينا بعض

لين : أها .. علي فكره .. حبيبي معاكي في الدفعه

صفاء : أها .. مين هو ؟؟

لين : معتقدش إنك تعرفيه لأنه مش بيحتك ببنات خالص .. بس عموما أسمه جاسم

صفاء : أيــــــــــــــــــــــــــــــــــه ( صـــــــــــــــــــــــــــــدمـــــــــــــــــه )

لين ( بقلق ): ايه .. في ايه ؟ وشك أتقلب ليه بقي ؟؟ أنتي تعرفيه

صفاء : أعرفه ؟؟ ( و تطلع تليفونها و تفتح الصور و توريها للين ) هو ده ؟؟

لين ( بصدمه ) أيه ده ؟؟ أنتي متصوره معاه ليه .. ده اخوكي ؟؟ صح ؟؟

صفاء : لأه ده مش اخويا .. ده حبيبي

لين ( بعدم تصديق ) : لالالالالالالالالالالالالالا .. أنتي كذابه .. و أكيد حسناء مصلطاجي علشان توقعي مابيننا ( و تعيط )

صفاء : والله أبدا .. انا كمان مصدومه زيك .. و هثبتلك إني مش كذابه ( تطلع فونها و تتصل علي جاسم و تشغل الأسبيكر )

جاسم : ألو

صفاء : ( بزعل ) ألو

جاسم : أيه ياقلبي مالك .. صوتك زعلان ليه ؟؟

صفاء : لا .. مش زعلانه .. بس مضايقه علشان انت مشيت

جاسم : معلش ياقلبي .. ما انا قلتلك إن بابا عايزني ضروري

صفاء : طب قولي بتحب كام واحده غيري ؟

جاسم : واحده بس .. وهي قلبي وروحي و عقلي

صفاء ( وهي بتعيط ) مين دي ؟؟

جاسم : هههههههههه .. بتعيطي ليه بس .. اكيد أنتي ياهبله .. بعدين انا مش قلتلك إني من ساعة ماعرفتك مبقتش بكلم غيرك

صفاء : طيب ماشي .. يلا سلام دلوقتي

جاسم : سلام ( ويقفل )

صفاء : سمعتي بودنك إني مش كذابه ( وبحزن ) واضح إن أتضحك علينا

لين : ( مـــــــــــــــــصدومه ) وكمان بباه كلمه .. ده قالي إن بباه ميت وهو اللي بيصرف علي إخواته

صفاء ( بإنفعال ) كذاب .. هو أصلا معندهوش إخوات

لين .. يعني كل ده كان بيك ...

وتتفاجئ باللي قدامها وتقطع كلامها و .......

ياتري مين اللي أتفاجات بيه لين ؟؟ وياتري ايه اللي هيحصل بين جاسم ولين و صفاء ؟؟

عايزين تعرفوا ؟؟

أستنونا في الفصل السادس من يوميات

" لازم أتوب "

بقلمي .. أختكم

Farsat Alaksa

Read more