انا بنت عصرية باخلاق اسلامية
فكرة جت ازاى ولا امتى .. مش عارفة
صدفة ف كلام مع سحاباية .. هوب قررنا نعمل ندوة .. والاحلى ان احنا اللى هنحاضر فيها ..
وبسرعة روحنا لمدير المدرسة واستاذنا وقال طبعا مواافق ..
ورحنا لميس تساعدنا وكده وكانت هى صاحبة عنوان " انا بنت عصرية باخلاق اسلامية "
وبعض المدرسين قالوا ازاااى انتو عيال على القاء ندوة
..
رديت وكنت متعصبة بعض الشئ " 16 سنة وعيال على حمل هم الامة .. امال هنكبر امتى "
اتحدينا نفسنا انا وصحابى اننا هننجح لو لوحدنا ..
جى يوم الندوة .. يوم مره اوى بالنسبة لى .. مرة الجهازيفصل .. الفلاشة تختفى ..
بدأت الندوة وانا شكلى شبه القطة الفطسانة .. بتكلم ووانا مش شايفة قدامى
اتكلمت انا عن الحجاب وازاى نحافظ على نفسنا .. لاحظت وانا بتكلم ان بنات بدات تتجاوب وتدارى
طرحتها ..
صحبتى اتكلمت عن الصحوبية وكلام الشباب والاختلاط
خلصنا بعد ساعة وربع .. سمعت تعليقات كتير اووى كانت حلوة
الا ان احلاها كان " ربنا يبارك فيكم بجد .. كلامكم اثر فيا .. وانا بطلت اطلع قصة وقريب هبطل
البنطلون "
وكانت فرحة حلوة اووووى
#سحابة_امل
#العريش
.jpg)
إرسال تعليق