رواية لازم اتوب 2

الفصل الثاني

*********

نزل جاسم و علي آخر سلمه شاف خالد صاحبه مستنيه في العربيه .. راح وركب جمبه

جاسم : خلودي حبيبي .. أخبارك ياض ؟؟

خالد : حبيب قلبي ياجموستي

جاسم : جاموستك !! ده أنا هعلقك من قفاك .. أنا مش قلتلك ربع ساعه تلت ساعه بالكتير وتتصل بيا علشان أخلع علشان مش عايز أقعد معاها كتير .. رغايه بنت ال_____

بتتصل بيا بعد ساعه ونصف .. ماشي يازفت .. ماااااااااااااااااشي

خالد : ياعم السكه زحمه .. وبعدين لما هي رغايه و قرفاك بتحبها ليه ؟؟

جاسم ( بأستهزاء ) : بحبها !!! وسعت منك أوي ياخلودي ( ويشاور علي قلبه ) القلب ده مش مخلوق للحب .. لسه مجابتهاش أمها اللي تستاهل حبي

خالد ( بتريقه ) : آ صح .. معمول للتسليه ببنات الناس و اللعب عليهم .. لما أنت مش بتحبهم بتكلمهم ليه ؟؟

جاسم : أقولك أنا .. البت صفاء دي بنت ناس أغنياء وراميين فلوسهم و سايبين البت تصرف براحتها .. فكل شويه تشحنلي .. تجيبلي هديه

لا . ومش أي هديه .. كل هداياها مركات ( و يشاور علي الساعه ) شايف الساعه الحلوه دي .. دي بقي ديه منها .. يعني البت مروشاني

خالد ( بتريقه ) :ياسلااااااااام علي الرجوله .. وهو أنت قابل إن وحده تصرف عليك

جاسم : متقولش واحده بس الله يخليك .. ده منظر واحده .. دي لاشكلها ولا تصرفاتها تدل علي كدا .. ياعمونا ده أنا فيا أنوثه عنها

خالد : هههههههههههههههههه .. ماشي يا أبو أنوثه .. طب و التانيه ؟؟

جاسم : لين .. آآآآآآآآآآه .. دي بقي ياعم الأنوثه كلها .. حتي دلعها كله أنوثه لي لي .. كلامها بينقط عسل ويخليك ملك زمانك .. وكمان البت موزه مووووووووووووزه .. هي آه بتلبس جيبات و لابسه طرحه مش زي صفاء .. بس لبسها مرسوم عليها من كتر الضيق .. متفرجش ؟؟ ياعم ده أنا أبقي عبيط لو متفرجتش .. أمممممممممم .. بس لو تفكها شويه

خالد : قصدك أيه ياض ؟

جاسم : ياعم دي مشكلتها إنها جبانه .. وقال ايه تقعد تقولي عيب و بتتكسف .. دي حتي سلام بالايد عليا مبتسلمش

خالد : ياعم دي ولا جبانه ولا غيره .. متنساش إن أهلها ناس ملتزمين .. يعني أكيد ربوها علي الأخلاق وهي اللي بعدت شويه .. وده جزء من تربيتها .. وبيسموه أدب و كسوف .. يعني حاجات بعد الشر عنك أنت متعرفهاش

جاسم ( بعصبيه ) بقولك ايه يازفت .. بلاش الدرس في الأخلاق بتاع كل يوم ده

خالد : بقولك ايه ياجاسم .. أنا آه صاحبك و حبيبك .. بس بس سيبك من البنت دي و أبعد شرك عنها .. دول أهلها ملتزمين و ممكن يدبحوك أو يودوك في داهيه .. وبعدين ياحبيبي أي مصيبه أنا ولا أعرفك

جاسم : طول عمرك ندل و جبان ياخوخه

خالد : سميه جبن .. سميه نداله .. سميه اللي أنت عايزه .. المهم أطلع منها سليم .. أنا اللي زيي يصاحب بس .. لكن لا حب ولاغيره

جاسم : ماشي ياعم السليم .. نزلني هنا هكمل الشارع ده مشي قفلتني منك ياشيخ .. أروح آكلي لقمه و أنام أحسنلي

خالد : الله يخربييييييييييييتك .. أنت فاتح بلاعه .. أنت مش لسه طافح يابني

جاسم : الله أكبر .. خمسه و خميسه في عينك .. أحسن تعزمني ياذ .. طب أنا أعمل ايه .. واحده و عزماني في أحسن المطاعم .. أقولها لأه ؟؟؟

خالد : لالالالا إزاي ؟؟ ودي تيجي بردو ؟؟ متبقاش جاسم ( وبتريقه ) أنت لازم تدخل و تطلب أغلي الأكل و تاكل و تروح تاكل تاني .. أنت محروم ؟؟؟!!!!

جاسم : ههههههههههههااااااااااااااااااااااااااااي .. محروم !! أبويا و مسافر طول السنه و بيبعتلي أد كدا في أد كدا .. و أمي لابتهش ولا بتنش ( وبتريقه ) ده أنت المحروم ياخويا

خالد : طب أنزل أحسنلك .. و متنساش أنت اللي عليك توصيلة بكره .. أوعي تندل

جاسم : عيب عليك يا أبو الشباب .. إلا أنت .. ده أنا أندل مع الكل وأنت لأه

خالد : تتصدق قربت أصدقك .. أمشي أمشي

جاسم : باااااااااااي .. ولا أقولك .. بايو علي راي البت لين الرقيقه

خالد : بايو !! غور ياجحش

جاسم : ههههههههه ( ومشي

خالد في نفسه : بايو !! طب والله حلوه .. شكلها رقيق فعلا ^^

روح خالد البيت و أول ما فتح الباب ..............

ياتري شاف ايه لما فتح الباب ؟؟؟

أستنونا في الفصل الثالث من روايتنا

" لازم أتوب "

بقلمي أختكم

Farsat Alaksa