فضفضة

يارب بحبك اوي .. علشان كدا هطلب منك طلب صغير

لا يارب انا آسفه .. اقصد هطلب من حضرتك طلب صغير 

يارب انا عايزه ابقي مبسوطه بعد ما بقيت زعلانه فتره كبيره


أصل زي ماحضرتك شايف كدا انا مخنوقه بقي

يارب بالله عليك ابسطني


ايه ده ؟؟ هو انا ينفع اقول لربنا بالله عليك ؟!! (( ايه اللي انا بقوله ده انا اسكت واركز ف الدعاء احسن ))

بص يارب .. حضرتك انا بحبك اوووووووووي .. قد الدنيا دي كلها


لالالالالا .. اكتر والله يارب .. بحبك قد الحجات اللي ف الدنيا كلها وبرا الدنيا كمان


(( يووووووووووووووه ايه الهبل اللي بقوله ده ))


يارب حضرتك عارف انا بحبك قد ايه 


وعلشان انا بحبك يارب حبني وابسطني





.
.
.
.




طبعا كلكم كنتوا بتضحكوا وانتو بتقروا 


علشان انتو كمان بتعملوا كدا


عارفين بنعمل كدا ليه ؟؟


لان دي براءة الاطفال اللي لسه عايشه جوانا


~~ اوعوا تقتلوا براءة الطفل جواكم .. بقسوة قلوبكم ~~



# " حولها ادندن انا ومعاذ "

بقلم 

Farsat Alaksa