رواية لازم اتوب 3

الفصل الثالث

**********

روح جاسم البيت و أول ما فتح الباب ...

جاسم : ايه ده ؟؟؟ أنتي لابسه ليه ؟؟ أنتي كنتي فين لحد دلوقتي ؟؟

فاطمه : طب سلم يابني الأول .. أنا أمك

جاسم : ماما خلصيني و جاوبي علي أسالتي ؟؟ كنتي فين ؟

فاطمه : ابن جارتنا تعب وجريت بيه علي المستشفي وطلبت مني أروح أقعد مع العيال الصغيرين لحد ماترجع

جاسم ( بزعيق ) : هي أتجننت في عقلها ولا أيه ؟؟ هي فكراكي خدامه عندها ؟؟

فاطمه : يابني الناس لبعضها و الولد كان بيموت في أيديها

جاسم : لا الناس مش لبعضها .. خلاص خلاص .. حضريلي الأكل خليني أكل و أتخمد

فاطمه : ماشي يابني ( و في سرها ) لاحول ولا قوة إلا بالله .. لاحول ولا قوة إلا بالله

*******

عند لين

*******

لين : نعم ياماما .. كنتي بتنادي

شيماء : آه ياحبيبتي .. تعالي عيزاكي في موضوع

لين : !!!

شيماء : بصي يابنتي .. في عريس متقدملك وبباكي كان عايز يكلمك في الموضوع بس قلت أكلمك أنا أحسن

لين ( في سرها ) : لالالالالالالالالالالالالالالا .. طب وجاسم

شيماء : هو شاب من رواد المسجد ياحبيبتي و الكل بيشهد بأخلاقه .. وهو مهندس

لين : أمممممممممممممممممم .. مش عارفه طب سيبيني أفكر

شيماء : فكري طبعا ياحبيبتي .. بس أوعي تنسي أنك تستخيري ربنا

لين : حاضر .. تصبحي علي خير

شيماء : وأنتي بخير

*****************************

راحت لين علي أوضتها و أتصلت بجاسم

*****************************

لين : ألوهات

جاسم : ألوهات

لين : أخبارك ايه ؟

جاسم : أنا كويس طول ما أنتي كويسه .. أنتي بقي أخبارك ايه ؟

لين : أنا مضايقه جدا ( و تعيط )

جاسم : ايه ده .. أنتي بتعيطي .. أنا مش قلت دموعك دي متنزلش طول ما أنا عايش في ايه ؟؟

لين : في مشكله

جاسم : مشكله ؟!!

لين : في عريس متقدملي

جاسم ( بعصبيه و صوت عالي ) : أيــــــــــــه !! ده بيحلم .. أنتي بتاعتي أنا وبس .. ده أنا أقتله

لين : بإذن الله أهلي مش يجبروني عليه .. بس أنا تعبت ومش عارفه أعمل ايه ؟؟

جاسم : معلش ياقلبي أتصرفي .. ما أنتي عارفه ظروفي .. أبويا ميت و أنا اللي بصرف علي أمي و إخواتي .. ومعيش فلوس للشبكه

لين : مش مهم الشبكه

جاسم : إزاي يعني مش مهم ؟ ده أنا لو أطول أجيبلك كل دهب العالم أجيبه ..ده انتي لين مش أي حد .. و أنتي تقوليلي مش لازم شبكه

لين : ربنا يخليك يارب

جاسم : يلا قومي بقي أغسلي وشك و نامي

لين : أوكيت .. باي

جاسم : باي

لين : ياااااااااااااااه .. للدرجاتي بيحبينى .. رغم ظروف بيته إلا إنه مش عايز يتقدملي غير لما يقدر يجيب شبكه حلوه .. فرحانه فرحانه فرحانه

وتحضن دبدوبها علشان تنام .. وتغمض عنيها و لسه هتنام ....

ياتري ايه اللي حصل لما لين جت تنام

أستنونا في الفصل الرابع من رواية

" لازم أتوب "

بقلمي

أختكم

Farsat Alaksa