الحب الحرام 17

الحلقة السابعة عشر
==========
سارة : مممم .. خايفة يا على

على : طب هو انا هعمل حاجة تضرك .. وافقى ومتخافيش

سارة : تؤ .. ممموافقة

على : صدقينى متخافيش .. انتى عارفة انا بحبك اد ايه .. قومى معايا بقى

سارة : ع فين ؟؟

على : تعالى بس

(يركبوا تاكس)

[ خناقة بين ميدو وسمر ]

سمر : ميدو بابا عايز يقعد معاك

ميدو : ليه بقى ؟؟

سمر : عشان نشوف حل للى احنا فيه ده

ميدو : بقولك ايه يا سمر انا قرفان ومش طايق نفسى

سمر : يعنى ايه ؟؟

ميدو : يعنى اللى سمعتيه يا بنت الناس

سمر : متجيش يا ميدو .. وخد دبلتك اهى ( تعيط وتمشى )

ميدو : يا سمر استنى

======
ويقف التاكس بهم عند باب عمارة
تنزل سارة من التاكس مندهشة مش عارفة هى جت هنا ليه !!!

سارة : على هو احنا جينا هنا ليه ؟؟

على : تعالى بس نطلع الاول

سارة : اطلع فين ؟؟

على : مش تخافى بس تعالى يبنتى هو انا هاكلك

وبالفعل تطلع معاه سارة وتدخل معاه شقة

( على كان اخد مفتاح الشقة دى من واحد صاحبه )

سارة تلاقى شموع وجو رومانسى جوه والشموع مرصوصة ع الارض ع شكل قلب

سارة : ايه يا على كل ده ؟؟

على : ده فرحك يا حبيبتى

سارة : بس الفرح ده لا فيه معازيم ولا اى حد غيرنا
على : كفاية انا وانتى بس

( يطلع ورقتين من جيبه )

على : نكتب ايه بقى يا حبيبتى هنا ؟

سارة : انا موش اعرف

على : تعالى طب نكتب كل حاجة بيقولها الماذون

سارة : طيب

وبعد ما كتبوا الورقتين

على : امضى بقى يا سارة

سارة : لاء .. استنى نقرأ الفاتحة الاول

على : حاضر

يقرأوا الفانحة

على : امضى بقى يا حبيبتى

تمسك سارة القلم وايدها بتترعش ودموعها بتنزل من عنيها وبالفعل تمضى ع ورقة الجواز العرفى

على : بتعيطى ليه يا حبيبتى ؟

سارة : عشان نفسى يكون فرحنا فرح بجد

على : والله هنعمل فرح بجد

ويبدأ على بمسح دموعها واحتضانها و ................

استنونا ف الحلقة القادمة

بقلم

Mostafa Ahmed