الحب الحرام 11

الحلقة الحادية عشر
=========

على بصوت عالى : ايه ده يا مصطفى ألحق

مصطفى : ده احمد شكله بيتخانق

( يجرى على ومصطفى ) ناحية الخناقة

على : وسع ياض منك ليه

مصطفى : صلوا ع النبى يا جماعة ف ايه بس

واحد : ده عيل قليل الادب ومش محترم نفسه

احمد : متخرس يلا بدل ما انفضك

مصطفى : بس يا احمد .. ومعلش يا كابتن احنا اسفين .. يلا يا احمد يلا بينا من هنا
ايه يا احمد مجتش تصلى يعنى وبعدين نخرج من الصلاة نلاقيك بتتخانق

احمد : يعم دى شوية عيال عايزة الحرق فكك منهمـ

على : طب احنا ايه مش هنحضر المحاضرة ولا ايه

مصطفى : يلا بينا ~~

( ســمر بتكلم سارة ف التليفون )

سارة : الوووووز

سمر : الوز يا لوز اللوز

سارة وسمر : ههههههههههه
سمر : عاملة ايه يا بت ؟

سارة : الحمد لله كويسة جــدا وانتى ايه اخبارك بقى بقى ؟؟

سمر : انا قشطة جــداً .. هههههههههه

سارة : شوفتى يوم خطوبتك صح ايه اللى حصل ؟؟

سمر : لاء اكيد مش شوفت يعنى هو انا كنت ف ايه ولا ف ايه ؟؟ ده انا ايدى اتملخت من كتر السلام وبوءى وجعنى من كتر البوس .. انا لو اعرف الخطوبة كده مش كنت اتخطبت وريحت نفسى .. ههههههههههه

سارة : ههههههههههههه .. معلش بقى .. مش انا اتكلمت انا وعلى وروحنا سوا بقى

سمر : بجد والله .. تصدقى فرحتينى .. احكى احكى

سارة : اتحايلى عليا شوية طب

سمر : يا باردة احكى بقى

سارة : هحكيلك كل حاجة .. بس ناو دلوقتى لازم اقوم عشان اساعد ماما ف شغل البيت ولينا كلام تانى بقى

سمر : اوك .. هستناكى بقى عشان اعرف التفاصيل .. تفصيلة تفصيلة .. يلا باااى

سارة : بااااااااى


( فـ بيت على )

ميادة : بقولك يا لولو يا حبيبى .. ممكن اسالك سؤال

على : لاء

ميادة : قولى بقى انت تعرف سارة دى منين .. اذ كان هى مش قدك اصلا

على : سارة مين ؟؟

ميادة : يعم انت هتعملهم عليا .. بجد بقى قولى .. اصل انا حبتها لله ف لله

على : يبنتى دى صاحبة سمر وسمر دى خطيبة ميدو يعنى كل الحكاية عرفتها صدفة يعنى .. فيها حاجة دى .. ووسعى بقى عشان انا نازل

ميادة : طب يعم متزقش .. دى بلاوى ايه دى .. هههههههه

[ فــ الكــليـــة ]

على يشوف سارة فيروح ناحيتها وابتسامته ع وشه

على : يا صباح الجمال

سارة : ازيك يا على ؟

على : انا تمام اووووووى

سارة : وانا كمان

على : انتى كنتى رايحة فين دلوقتى ؟؟

سارة : كنت هروح

على : طب يلا بينا بقى

واثناء ما هما ماشيين

على : عندك مانع نقعد ف اى كافيه نشرب حاجة

سارة : لاء انا عايزة اروح

على : مش هنتأخر والله صدقينى

سارة : أأأأأأ .. خلاص ماشى

راحوا قعدوا ف كافيه

على : بقولك بقى انتى مش هتدينى رقم تليفونك

سارة : ليه بقى ان شاء لله

على : من غير ليه .. انا عايزه

سارة : طب هات انت رقم تليفونك وانا لو عوزت اكلمك هبقى اكلمك

على : يبقى عمرك ما هتكلمينى ..

سارة : شطور يا على .. هههههههههه .. بص يلا بينا بقى عشان انا كده اتاخرت

على : طب والرقمـ

سارة : خلاص متعيطش هدهولك .. بس يلا بينا

(ويقوموا يمشو)
==========================
استنونا ف الحلقة القادمة

بقلم

Mostafa Ahmed