الحب الحرام 10

الحلقة العاشرة
==========

[ فى بيت على ]

ميادة : يا على خلصنى بقى هتاخر ع الكلية

على يطلع من اوضته بيغنى

ميادة : يبنى خلص .. ده انت حقيقى رخمـ

على : استغفر الله العظيم ع الصبح .. يبنتى متفصلنيش بقى

ميادة : افصلك ازاى .. تكونش موبايل وانا معرفش .. هيهيهيههيهيهيه

على : طب يلا يا ظريفة

ميادة : يلا يا زرافة .. نياااااااههههههههههه

( يوصل على وميادة الكلية )

على : يلا ابت ع محاضراتك

ميادة : طب وانت كمان .. بلاش فشل ع الصبح

على : متبطلى تتحشرى بقى ف حياتى .. اولا لسا بدرى ع محاضراتى

وثانياً انا هقف مع الولا احمد شوية

ميادة : احمد .. يبنى ده فاشل سيبك منه .. جتك داهية انت وهو ف ساعة واحدة .. اووف انا ماشية .. جتك نيلة كده وانت شبه لوح السرير .. ههههههههههههه

على : ههههههههههههه .. طب يلا يلا بدل مارزعك قلم انسيكى اسمك

( على يتصل باحمد )

احمد : ايه يا واطى يا ابن ال*&^^

على : انا واااااطى ؟؟

احمد : يعنى انت زعلان ع نفسك ومش زعلان ع ابوك اللى اتهزأت كرامته

على : تصدق انا غلطان انى كلمتك سلام

احمد : ايه يعم مالك .. ده انت حتى حبيبى .. قولى انت فين ؟؟

على : ف الكلية واقف عند الملعب

احمد : طب انا جايلك انا وواحد حبيبك

بعد 5 دقائق يوصل احمد ومصطفى عند على

مصطفى : ازيك يا على عامل ايه ؟

على : شيخ مصطفى ازيك انت ؟؟ .. انا تمام الحمد لله

مصطفى : الحمد لله

على يميل ناحية احمد : هو ده حبيبى اللى انت جايبه .. جتك داهية فيك وفيه

يبص على لمصطفى : ههههههههههه .. منور ادرش

احمد : اصل درش قالى انه بقاله كتير مش بيشوفك ..

على : والله يا درش انت واحشنى حتى اسال احمد ع طول بسال عليك

مصطفى : المهم انت ايه اخبارك ؟؟

على : انا تمام اوى .. مش ناقصنى غير دعواتك

الله أكبر الله أكبر " صوت اذان الظهر "

مصطفى : يلا بينا اشبااب نصلى

احمد : طب انا ثوانى هخطف نفسى واروح اجيب مية

مصطفى : طب يلا بينا يا على واحمد يبقى يحصلنا

على : اصل أأأأأأأأأ

مصطفى : يعم يلا بقى بلاش حجج

" السلام عليكم ورحمة الله " انتهاء الصلاة

مصطفى : على استنى فيه كلمة هتتقال

على : يعمـ والمحاضرة

مصطفى : ده ايه الشطارة اللى نزلت عليك فجأة دى .. يعم دى مش هتاخد 10 دقائق . اقعد بقى

على : امرى لله

بعد ما قال الاخ المقدمة : انا عايز انصح الشباب بنصيحة واحدة بس

ومش هاخد من وقتكم كتير .. خلى بالكم يا شباب من الحب الحرامـ

الحب الحرامـ اخرته بتنتهى بمصايب ومشاكل

على اول سمع كلمة الحب الحرام وهو بقى ف دنيا تانية

خلصت الكلمة وعلى قاعد ف مكانه

مصطفى : ايه يبنى متتحرك ؟؟

على : ها ؟؟ اها يلا يلا

مصطفى : مالك فى ايه ؟؟

على : هو انا لو بحب واحدة بس انا ان شاء الله هخطبها يبقى كده حب حرام

مصطفى : طبعا يا على مفيهاش كلام

على : بس انا اعرف ناس كانوا كده وبعد كده اتخطبوا ومحصلش مشاكل بينهم ولا اى حاجة

مصطفى : انت ممكن تكون شايف كده .. بس انت متعرفش ايه اللى بيدور بينهم .. وبعدين انا ليه احط نفسى ف حاجة مفترض ان اخرتها مش كويسة
غير انها عند ربنا هتتحاسب عليها

على : اها اها صح

على بيقول فـ سره : ياريتنى ما سالتك يا شيخ .. ده انت صحيح بتموت ف العكننة

على بصوت عالى : ايه ده يا مصطفى ألحق

استنونا ف الحلقة القادمة

بقلم

Mostafa Ahmed