احساس غريب حاسه لاني اول مرة اكتب حاجه بنية النشر يعني مش كتابة كدا لنفسي وخلاص طبعا لازم يكون في كتير من المسح وتقطيع الورقة .... لالا مفيش تقطيع لاني بكتب على الكمبيوتر يعني مسح بس المهم يعني اول موضوع جه في دماغي هوا حاجه غريبة ومعظمنا ان لم يكن كلنا بنعملها وبنعملها واحنا مغلولين شويه مش عارف ليه انا نفسي قعدت وقت على ما قدرت افهم ليه بعمل كدا طبعا دماغك راحت لحاجات كتير اوي بنعملها غريبة مش كدا لكن انا هختار حاجه واحدة بس منهم المرة دي ممكن بعد كدا اختار حاجه تانية والحاجة دي هي اننا وبكل بساطة لما يبقى قدامنا حاجه ببلاش حتى لو مش عايزنها بناخدها ؟!!
طيب احنا ممكن نوضح الكلام اكتر مثال بسيط وحقيقي يعني الواحد مننا دخل محل كشري ويطلب طبق تلاقيه يفتري في الدقة والملح ولو الشطه مش حامية اوي يفتري فيها حتى لو مش محتاجها طب ليه يا سيدي يقولك ماهي ببلاش !!!!
نعم.يعني ايه الكلام دا!
طبعا الرد دا بيبقى في سرك عشان لو قولته تبقى انت مش من هنا او عيشتك مرتاحه او او او .... فبنسكت وكأننا فاهمين ايه السبب اللي بيخليه يعمل كدا ومحدش فينا فكر في الموضوع دا قبل كدا .
طبعا دا على سبيل المثال وليس الحصر يعني مثلا تلاقي الواحد قاعد على كافيه محترم وطالب مشروب بمبلغ محترم لزوم المظهر ولما الجرسون ينزله زجاجة مياه مع الطلب لازم يشربها كلها ولو مخلصتش ياخدها معاه وهو ماشي ويروح بيها كمان وهيا لسا مليانه طب اخدتها معاك ليه يقولك :امال هسيبهاله!!!
تفتكر بنعمل كدا ليه ؟!
ممكن اكون انا مزودها شويه ، جايز .
ممكن اكون ببالغ ، محتمل.
ممكن اكون بخترع اي موضوع عشان عايز اكتب ، صدق ممكن ليه لأ ، في كتير بيعملوا كدا عشان يحسوا انهم مهمين وانهم بيكتبوا وكدا يعني ، ايه دا لا معتقدتش اني من الناس دي !
ايه انت شايف اني بقول اي كلام ! براحتك بس انا عندي مواقف كتيرة اوي شوفتها وسمعتها خلتني متأكد ان الموضوع دا بيحصل وانت عارف ومتأكد وياما شوفت وكنت من الناس المستغلة دي كمان طيب المهم يعني هل العادة دي بتبقى عند الناس اللي احوالهم الاقتصادية على قدها شويه ولا دي مش فارقه؟
تفتكر لو واحد مننا عنده حاجه ولقاها بتتوزع مجانا هيروح ياخد منها تاني ولا هيقول لأأ منا عندي زيها ؟ اعتقد اجابتك على السؤال دا هيا اللي هتحدد .
طيب انا هحكيلك موقف عيشته بنفسي واحكم انت ، وهو ان كان معمول دعوة من شركة ميكروسوفت للتعريف بويندوز 8 اللي نزل وكانت قبل نزول النسخة الاصلية وعرفت من زمايلي في الجامعة وقالولي سجل معانا دا في شويه اكل هناك ايييه عجب!!!!!!
انا مستوعبتش الموضوع صحابي دول من كليات حاسبات ومعلومات يعني اكتر ناس مهتمه بالكمبيوتر يكون السبب الرئيسي عندهم هوا الاكل بس!
لكن كنت ظالمهم الحقيقة لان كان في سبب مهم ويمكن دا اكبر من الاكل وهوا ان في نهاية اليوم بيبقى في هدايا بتتوزع على الحضور وبتبقى هدايا قيمة ، كانت دي هيا السبب الرئيسي لذهابهم واللي اكد كلامي هوا اننا كنا اول يوم حوالي 30 شخص وكل واحد منهم لابس الحته اللي عالحبل ومتشيك - ميكروسوفت بقى - تقولش هنقابل بيل جيتس بنفسه ، ووصلنا وكأي فندق محترم كان الاكل اوبن بوفيه ولك ان تتخيل حجم المذبحة اللي حصلت اول ما شوفنا الفطار ، ورغم ان الاكل كان حاجات خفيفة يعني المفروض ان الناس لسا صاحية وبتجري ريقها لكن - احم احم - مع مين .
لقيت ناس كانت صايمة وفطرت لانها مقدرتش تقاوم الاكل خاصة اننا كنا في العشر الاوائل من ذي الحجة وناس اكلت حمولة فردين وشربت حمولة اربع افراد من الشاي والقهوة وغيره ، لكن عادي الناس لسا بتفطر وبالهنا والشفا وحضرنا اول محاضرة وفضلنا قاعدين لغايه ميعاد الغداء وكانت المفاجأة في انتظاري .
انا مهما توقعت من مفاجآت إلا ان الحقيقة كانت فوق كل توقعاتي وخيالاتي واكتشفت اني طيب وغلبان زي ما بيقولوا لاني قولت ان يعني الناس بقى اكيد لسا الفطار كاتم على نفسها وان محدش هيقدر ياكل ولو اكلوا فهيبقى اكل خفيف كدا على الماشي ولكن طلعت عامل توقعات لكائنات تانية لاني اكتشفت ان في ناس بتتمتع بسنام او بمعدتين سميها زي ماتسميها المهم عندهم مخزن تاني وخلاص لان مفيش حد يقدر ياكل كل الكمية دي – انا مش بحسد ولا حاجه – لكن مش بالطريقة دي كدا - اوفر – خالص يعني بمجرد افتتاح الوبفيه للغدا كان الاطباق خلصت والادارة الفندق اعتقد انها استعانت باكل فندق تاني عشان تغطي العجز اللي عندها وطبعا اللي مدخلش في الاول مفضلوش غير السلطة دا لو كانوا سابوها دا حتى التحلية اللي كانت بعد الغدا مترحمتش واتمسحت قصدي ابيدت لان الناس كانت عايزة تهضم - مش عارف مين اللي اقنعهم ان الحلو بيهضم – وكان كل دا ممكن اعديه الا ان كان في حته موقف لا ينسى ...!
لقيت واحد جايب علبة كرتون وبيملاها من جميع الاصناف سواء حادق او حلو دا حتى اكياس الشاي والسكر ما سلمتش منه لدرجة انه جمع ما يكفي فردين على الاقل من الاكل وشاي وسكر يكفي اسبوع ولاحاجه ، في كدا !!!
بص مش قادر اوصفلك احساسي ايه وانا شايفه والمشكلة اني اعرفه لكن اعمل ايه ما باليد حيله المهم عدى اليوم والحمد لله وربنا ستر ولولا ان بوبات كشف المعادن مش بتكشف الاطعمة كان زمان صاحبنا اتكشف – للاسف – لكن المهم يعني تاني واخر يوم محدش جه معانا وكنا يدوب اربعة بس لان الناس لقيت ان مفيش هدايا .!
انا هسيبك تحكم انت وتقولي رأيك ، يمكن اكون انا منفعل شويه ومش قادر احكم صح لكن انت برده اكيد ليك وجهة نظر في الموضوع كله مش الموقف اللي قولته دا بس .
عالعموم انا شايف اننا طماعين ودا طبع آدمي فينا لكنه بيختلف في شدته من شخص للتاني لكن مفيش حد مش طماع ومعندوش حب للتملك لكن لو هنطمع في حاجه مالهاش لازمه فدي تبقى حاجه مالهاش لازمه من الاخر يعني .
واختم كلامي بحديث الرسول صلى الله عليه وسلم : لو كان لابن آدم واديان من مال لابتغى ثالثا ولا يملأ فم ابن آدم إلا التراب . صدقت يا رسول الله لا يملأ فم ابن آدم الا التراب خليك فاكر كلنا اخرنا للتراب .
بقلم
إسلام منير
طيب احنا ممكن نوضح الكلام اكتر مثال بسيط وحقيقي يعني الواحد مننا دخل محل كشري ويطلب طبق تلاقيه يفتري في الدقة والملح ولو الشطه مش حامية اوي يفتري فيها حتى لو مش محتاجها طب ليه يا سيدي يقولك ماهي ببلاش !!!!
نعم.يعني ايه الكلام دا!
طبعا الرد دا بيبقى في سرك عشان لو قولته تبقى انت مش من هنا او عيشتك مرتاحه او او او .... فبنسكت وكأننا فاهمين ايه السبب اللي بيخليه يعمل كدا ومحدش فينا فكر في الموضوع دا قبل كدا .
طبعا دا على سبيل المثال وليس الحصر يعني مثلا تلاقي الواحد قاعد على كافيه محترم وطالب مشروب بمبلغ محترم لزوم المظهر ولما الجرسون ينزله زجاجة مياه مع الطلب لازم يشربها كلها ولو مخلصتش ياخدها معاه وهو ماشي ويروح بيها كمان وهيا لسا مليانه طب اخدتها معاك ليه يقولك :امال هسيبهاله!!!
تفتكر بنعمل كدا ليه ؟!
ممكن اكون انا مزودها شويه ، جايز .
ممكن اكون ببالغ ، محتمل.
ممكن اكون بخترع اي موضوع عشان عايز اكتب ، صدق ممكن ليه لأ ، في كتير بيعملوا كدا عشان يحسوا انهم مهمين وانهم بيكتبوا وكدا يعني ، ايه دا لا معتقدتش اني من الناس دي !
ايه انت شايف اني بقول اي كلام ! براحتك بس انا عندي مواقف كتيرة اوي شوفتها وسمعتها خلتني متأكد ان الموضوع دا بيحصل وانت عارف ومتأكد وياما شوفت وكنت من الناس المستغلة دي كمان طيب المهم يعني هل العادة دي بتبقى عند الناس اللي احوالهم الاقتصادية على قدها شويه ولا دي مش فارقه؟
تفتكر لو واحد مننا عنده حاجه ولقاها بتتوزع مجانا هيروح ياخد منها تاني ولا هيقول لأأ منا عندي زيها ؟ اعتقد اجابتك على السؤال دا هيا اللي هتحدد .
طيب انا هحكيلك موقف عيشته بنفسي واحكم انت ، وهو ان كان معمول دعوة من شركة ميكروسوفت للتعريف بويندوز 8 اللي نزل وكانت قبل نزول النسخة الاصلية وعرفت من زمايلي في الجامعة وقالولي سجل معانا دا في شويه اكل هناك ايييه عجب!!!!!!
انا مستوعبتش الموضوع صحابي دول من كليات حاسبات ومعلومات يعني اكتر ناس مهتمه بالكمبيوتر يكون السبب الرئيسي عندهم هوا الاكل بس!
لكن كنت ظالمهم الحقيقة لان كان في سبب مهم ويمكن دا اكبر من الاكل وهوا ان في نهاية اليوم بيبقى في هدايا بتتوزع على الحضور وبتبقى هدايا قيمة ، كانت دي هيا السبب الرئيسي لذهابهم واللي اكد كلامي هوا اننا كنا اول يوم حوالي 30 شخص وكل واحد منهم لابس الحته اللي عالحبل ومتشيك - ميكروسوفت بقى - تقولش هنقابل بيل جيتس بنفسه ، ووصلنا وكأي فندق محترم كان الاكل اوبن بوفيه ولك ان تتخيل حجم المذبحة اللي حصلت اول ما شوفنا الفطار ، ورغم ان الاكل كان حاجات خفيفة يعني المفروض ان الناس لسا صاحية وبتجري ريقها لكن - احم احم - مع مين .
لقيت ناس كانت صايمة وفطرت لانها مقدرتش تقاوم الاكل خاصة اننا كنا في العشر الاوائل من ذي الحجة وناس اكلت حمولة فردين وشربت حمولة اربع افراد من الشاي والقهوة وغيره ، لكن عادي الناس لسا بتفطر وبالهنا والشفا وحضرنا اول محاضرة وفضلنا قاعدين لغايه ميعاد الغداء وكانت المفاجأة في انتظاري .
انا مهما توقعت من مفاجآت إلا ان الحقيقة كانت فوق كل توقعاتي وخيالاتي واكتشفت اني طيب وغلبان زي ما بيقولوا لاني قولت ان يعني الناس بقى اكيد لسا الفطار كاتم على نفسها وان محدش هيقدر ياكل ولو اكلوا فهيبقى اكل خفيف كدا على الماشي ولكن طلعت عامل توقعات لكائنات تانية لاني اكتشفت ان في ناس بتتمتع بسنام او بمعدتين سميها زي ماتسميها المهم عندهم مخزن تاني وخلاص لان مفيش حد يقدر ياكل كل الكمية دي – انا مش بحسد ولا حاجه – لكن مش بالطريقة دي كدا - اوفر – خالص يعني بمجرد افتتاح الوبفيه للغدا كان الاطباق خلصت والادارة الفندق اعتقد انها استعانت باكل فندق تاني عشان تغطي العجز اللي عندها وطبعا اللي مدخلش في الاول مفضلوش غير السلطة دا لو كانوا سابوها دا حتى التحلية اللي كانت بعد الغدا مترحمتش واتمسحت قصدي ابيدت لان الناس كانت عايزة تهضم - مش عارف مين اللي اقنعهم ان الحلو بيهضم – وكان كل دا ممكن اعديه الا ان كان في حته موقف لا ينسى ...!
لقيت واحد جايب علبة كرتون وبيملاها من جميع الاصناف سواء حادق او حلو دا حتى اكياس الشاي والسكر ما سلمتش منه لدرجة انه جمع ما يكفي فردين على الاقل من الاكل وشاي وسكر يكفي اسبوع ولاحاجه ، في كدا !!!
بص مش قادر اوصفلك احساسي ايه وانا شايفه والمشكلة اني اعرفه لكن اعمل ايه ما باليد حيله المهم عدى اليوم والحمد لله وربنا ستر ولولا ان بوبات كشف المعادن مش بتكشف الاطعمة كان زمان صاحبنا اتكشف – للاسف – لكن المهم يعني تاني واخر يوم محدش جه معانا وكنا يدوب اربعة بس لان الناس لقيت ان مفيش هدايا .!
انا هسيبك تحكم انت وتقولي رأيك ، يمكن اكون انا منفعل شويه ومش قادر احكم صح لكن انت برده اكيد ليك وجهة نظر في الموضوع كله مش الموقف اللي قولته دا بس .
عالعموم انا شايف اننا طماعين ودا طبع آدمي فينا لكنه بيختلف في شدته من شخص للتاني لكن مفيش حد مش طماع ومعندوش حب للتملك لكن لو هنطمع في حاجه مالهاش لازمه فدي تبقى حاجه مالهاش لازمه من الاخر يعني .
واختم كلامي بحديث الرسول صلى الله عليه وسلم : لو كان لابن آدم واديان من مال لابتغى ثالثا ولا يملأ فم ابن آدم إلا التراب . صدقت يا رسول الله لا يملأ فم ابن آدم الا التراب خليك فاكر كلنا اخرنا للتراب .
بقلم
إسلام منير
.jpg)
إرسال تعليق