صوني جمالك

عايزه تعلى فى نظر خطيبك وميخونكيش ابدا ابدا.....

.

.

.

.

.

.

.

بصى بقى يا حبيبتى النهاردة باذن الله هكلمك عن ازااى تعلى فى نظر خطيبك و يحبك و يموت فيكى ؟

الاول احنا متفقين ان احنا اجمل بنات فى الدنيااا دى كلها بس الاحترام بقى احلى و احلى و احلى

بس خدى بالك من حاجة الراجل لازم يحس بقيمة الجوهرة اللى معاه اللى هيا انتى

يعنى تصونى نفسك معاه اوىىىىى

و لا تسمحى حتى بلمسة ايد

بس ازاى ؟ دة انا بكون فرحانة و مبسوطة و هو ماسك ايديا

هقولك والله والله والله دى فرحة لحظية و مجرد ما يمشى لازم هتلومى نفسك . صح و لا لا ؟

و هو كماااان هيقول دى سهلة و كله عاااادى عندها و مش هيبين دة و هيبين انه طاير بيكى

بس من جواه هيكون خايف

طب حتى لو هو ملاك بجناحات و كان واثق فيكى و دة مش موجود

هل ليكى عين بعدها تطلبى من ربك انه يباركلكم و يسعدكم و يجمعكم فى الحلال ؟

و ايه اخبار المشاكل و الخناقات معاكو ؟

طب ايه اخبار الطناش و البعد اللى هيبعده عنك ؟

طب قادرة تبصى فى عين اهلك ؟

اوعى اوعى اوعى تخونى لتتخانى

هتقوليلى اخون مين ؟

هقولك تخونى ربنا و اهلك و نفسك كماان

و ساعتها كما تدين تدان

و هتتخانى يا حلوة و مش هقول ازاى

ان ربك بالمرصاد

اتقى الله اوى اوى اوى اوى اوى و هكرر تانى الكلمة اللى دايما بقولها لنفسى

اوعى تخونى لتتخانى

و ساعتها ماتجيش تشتكى و تعيطى

يبقى هعتبر موضوعى دة امانة فى رقبة كل مخطوبة ليوم الدين

و اى واحدة حصل منها اى تجااوز تلحق نفسها

طيب السؤال الطبيعى دلوقتى

ماهو لو انا كنت عملت تجاوز قبل كدة حتى ولو بسيط يبقى اكيد قليت من نظره بقى ؟

هقولك تعالى بينا من بعد الموضوع دة ناخد عهد على نفسنا

اننا هنتووب و مش هنكرر غلطنا تانى

و من اللحظة دى ابدأى صفحة جديدة مع العفو الغفار و هو هيصلحلك كل اللى اتكسر بشرط النية الصادقة انك تتركى المعصية دى لاجله

والله هتلاقى خطيبك يعشقك و يجرى وراكى و يحترمك و يخاف عليكى لانك فضلتى ربنا عليه و ربنا مش بيسيب حد ابدا

و هو مقلب القلوب

يعنى لو رضيتى ربنا مع زعل خطيبك

اقسم برب العزة ربنا هيخلى خطيبك دة يمووت فى التراب اللى انتى ماشية عليه بس انتى خليكى جادعة و قوللى معايا دلوقتى اهو

عشانك ياربى هسيب المعصية دى تمااما و اللى يزعل يزعل و انا رميت حمولى عليك يارب و صلحلى كل حاجة

و اتحداكى بقى من النتيجة